اسلام آباد(پاکستان پوائنٹ نیوز16۔اگست2017ء) بیگم کلثوم نواز دی دہری شہریت و اقامے بارے الیکشن کمیشن نوں اجے تیکر ثبوت نہیں دتے جا سکے، مصدقہ دستاویزات ملن مگروں سابق خاتون اول نوں قانون مطابق نااہل قرار دتا جا سکدا اے۔ الیکشن کمیشن دے وسیلیاں مطابق لاہور دے حلقہ این اے 120وچ مسلم لیگ (ن) ولوں سابق وزیر اعظم دی بیوی کلثوم نواز نوں امیدوار دے طور اُتے نامزد کرن مگروں اوہناں دے اقامے دے حوالے نال مبینہ تفصیلاں وی ساہمنے آ گئیاں نیں۔
وسیلیاں مطابق جے کلثو م نواز دی دہری شہریت ثابت ہو گئی تے اوہناں دے کاغذات نامزدگی رد ہو سکدے نیں پر حکمران جماعت نے بیگم کلثوم نواز دے اقامے نوں جعلی قرار دتا اے پر اوہناں دے مخالف وی اجے تیکر الیکشن کمیشن نوں مصدقہ دستاویزات دین وچ ناکام رہے نیں۔ وسیلیاں مطابق ایس ویلے پارلیمنٹ ہاؤس وچ بیٹھے ہوئے کئی پارلیمنٹرین دہری شہرت رکھے ہوئے نیں پر الیکشن کمیشن نے اجے تیکر کسے خلاف کوئی کارروائی نہیں کیتی۔
