اسلام آباد(پاکستان پوائنٹ نیوز16۔اگست2017ء) نادرا وچ سوانی اہلکار نوں ہراساں کرن دے معاملے تے فیکٹ فائنڈنگ کمیٹی نے ڈپٹی چیئرمین نادرا نوں قصور وار قرار دے دتا جدکہ وزارت داخلا نے ایف آئی اے نوں ڈپٹی چیئرمین خلاف کارروائی توں روکدے ہوئے نادرا فیکٹ فائنڈنگ کمیٹی دی رپورٹ دی کاپی لے لئی اے۔ رپورٹ مطابق ڈپٹی چیئرمین نادرا مظفر علی نے سوانی اہلکار نوں ہراساں کرن دے نال نال کئی انکوائریاں وچ اوہنوں ملزم قرار دتا۔
دوجے پاسے وزارت داخلا نے خلط لکھ کے ایف ائی اے نوں ڈپٹی چیئرمین نادرا خلاف کارروائی توں روک دتا۔ وزارت داخلا ولوں سیکشن افسر اسد اللہ ناصر نے نادرا تے ایف آئی اے نوں خط گھل دتا۔ خط وچ آکیا گیا اے کہ ڈپٹی چیئرمین خلاف ایڈیشنل سیکرٹری داخلا وی انکوائری کر رہے نیں ایس لئی کارروائی نہ کیتی جائے۔
