لاہور(پاکستان پوائنٹ نیوز11۔اگست2017ء) پاکستان عوامی تحریک دے سربراہ ڈاکٹر طاہر القادری نے 16اگست نوں مال روڈ تے سوانیاں دے دھرنے دا اعلان کر دتا اے، دھرنے وچ رلتی سوانیاں مطالبہ کرن گیاں کہ جسٹس باقر نجفی دی رپورٹ نوں پبلک کیتا جائے۔ تفصیل مطابق ڈاکٹر طاہر القادری نے ماڈل ٹاؤن وچ پریس کانفرنس کردے ہوئے آکھیا کہ عوامی تحریک دیاں سوانیاں 16اگست نوں مال روڈ تے دھرنا دین گیاں، جہدے وچ شہیداں دیاں دھیاں شامل ہون گیاں۔
دھرنے وچ صرف سوانیاں رلتی ہون گیاں۔ اوہناں دا کہنا سی کہ دھرنے وچ رلتی سوانیاں مطالبہ کرن گیاں کہ جسٹس باقر نجفی دی رپورٹ پبلک کیتی جائے۔ میں آپ وی ماواں بھیناں نال یکجہتی لئی مال روڈ جاواں گا۔ اوہناں نے آکھیا کہ سپریم کورت دی جے آئی ٹی نے پاناما کیس دی انکوائری رپورٹ پبلک کر دتی اے۔ اسیں ماڈل ٹاؤن دُکھانت تے اک غیر جانبدار بنچ چاہندے آں۔ تن ورھیاں توں انصاف دا مطالبہ کر رہے آں۔
