اسلام آباد (پاکستان پوائنٹ نیوز18۔اگست 2016ء) مسلم لیگ (ن) نے جہانگیر ترین دی نااہلی لئی ریفرنس جمع کروا دِتا ۔ ریفرنس سپیکر قومی اسمبلی دے دفتر وچ جمع کروایا گیا۔ تفصیل دے مطابق جمعرات دے دیہاڑے مسلم لیگ (ن) ولوں تحریک انصاف دے رہنما جہانگیر ترین خلاف ریفرنس سپیکر قومی اسمبلی دے دفتر وچ جمع کروا دتا گیا اے۔ریفرنس وچ آکھیا گیا اے کہ جہانگیر ترین نے اپنے اثاثیاں بارے ایوان نال غلط بیانی کیتی اے ۔
جہانگیر ترین نوں آرٹیکل 62 تے 63 دے تحت نااہل قرار دِتا جائے۔ جدکہ مسلم لیگ (ن) ولوں ایہ ریفرنس دانیال عزیز، طلال چودھری تے مائزہ حمید ولوں جمع کروایا گیا اے۔ یاد رہوے کہ ایس توں پہلے وی مسلم لیگ (ن) چیئرمین تحریک انصاف عمران خان خلاف سپیکر قومی اسمبلی نوں اوہناں دی نااہلی لئی ریفرنس جمع کروا چُکی اے۔
