راولپنڈی(پاکستان پوائنٹ نیوز09۔اگست 2017ء) چیف آف آرمی سٹاف جنرل قمر جاوید باجوہ نال سعودی نائب وزیر دفاع محمد بن عبداللہ نے ملاقات کیتی، ملاقات دوران دو پاسی تعلقات تے خطے دی سکیورٹی صورتحال بارے وچار وٹاندرا کیتاگیا۔ آئی ایس پی آر مطابق آرمی چیف جنرل قمر جاوید باجوہ نال اج جی ایچ کیو راولپنڈی وچ سعودی نائب وزیر دفاع محمد بن عبداللہ نے ملاقات کیتی۔
آرمی چیف جنرل قمر جاوید باجوہ نے ملاقات دوران آکھیا کہ پاکستان سعودی عرب نال سٹرٹیجک تعلقات نوں اہمیت دیندا اے۔ پاکستان حرمین شریفین دی حفاظت لئی غیر مشروط تعاون کردا رہوے گا۔ اوہناں نے آکھیا کہ پاکستان تے سعودی عرب دے دفاعی تعلقات اعلا سطح دے نیں۔ آئی ایس پی آر دا کہنا اے کہ سعودی عرب نے سارے معاملات تے پاکستان دی حمایت جاری رکھن دا آکھیا اے۔ سعودی عرب دے نائب وزیر دفاع محمد بن عبداللہ نے دہشت گردی خلاف پاکستان دیاں کامیابیاں تے قربانیاں دی تعریف وی کیتی۔
