کوئی سازش سانوں خدمت خلق توں نہیں روک سکدی:شہباز شریف

لاہور(پاکستان پوائنٹ نیوز05۔اگست2017ء) وزیر اعلا پنجاب میاں محمد شہباز شریف نے آکھیا اے کہ اے سانوں کوئی سازس خدمت خلق توں نہیں روک سکدی۔ اوہناں دا کہنا سی کہ پچھلے چار ورھیاں توں نواز شریف دی پالیسی کارن معیشت مضبوط ہوئی۔ ترقی دی راہ وچ بار بار اوکڑاں نہ پائیاں جاندیاں تے پاکستان اج اُچائیاں تے ہونا سی۔شہباز شریف دا کہنا سی کہ ترقی دے سفر نوں نقصان پہنچان والے لوکائی نوں مونہ وکھان دے لائق وی نہیں رہن گے۔ اوہناں نے آکھیا کہ اسیں لوکائی دی خدمت دا عزم کیتا اے کوئی سازش سانوں خدمت خلق توں نہیں روک سکدی۔ لوکائی دے دتے مینڈیٹ دی لاج رکھاں گے تے امیداں تے پورا لتھاں گے۔ شہباز شریف نے آکھیاکہ اسیں ملک دی ترقی خلاف ہر سازش دا مقابلا کراں گے۔