اسلام آباد(پاکستان پوائنٹ نیوز04۔اگست 2017ء) وزارت داخلا دے نویں چُنے گئے وفاقی وزیر و وزیر مملکت اسمبلی اجلاس وچ شیروانی پا کے آئے۔ تفصیل مطابق احسن اقبال تے طلال چودھری وزیر منتخب ہو ن مگروں جمعے دے دیہاڑے قومی اسمبلی دے اجلاس وچ پہنچے تے ارکان اسمبلی توں مبارکبااں لیندے رہے۔ طلال چودھری مسلم لیگ (ن) دے ارکان اسمبلی دیاں سیٹاں تے جا کے اوہناں نال ملدے رہے جو سوانیاں اوہناں توں وڈیاں سن اوہناں کولوں تھپکیاں لیندے رہے۔
ایس موقعے تے جدوں اوہ سابق وزیر داخلا چودھری نثارعلی خان نال ملے تے بڑے آداب نال جھک گئے ‘ چودھری نثار نے طلال چودھری دے موڈھیاں تے تھپکی دتی جہدے تے اوہ ہس پئے۔ دوجے پاسے چودھری نثار علی خان جدوں اجلاس وچ پہنچے تے (ن) لیگی ارکان نے اوہناں دا کھلو کے استقبا ل کیتا۔
