وزیر اعظم نے وزیراں دے غیر ضروری باہرلے ملک جان تے پابندی لا دتی

اسلام آباد(پاکستان پوائنٹ نیوز04۔اگست 2017ء) وزیر اعظم خاقان عباسی نے وزیراں دے کم دے طریقہ کار بارے ہدایتاں جاری کر دتیاں‘ وزیر اعظم نے وزیراں دے غیر ضروری باہرلے ملک جان تے پابندی لا دتی اے۔ وزیر اعظم دا کہنا سی کہ کوئی وزیر ضروری کم توں وکھ باہرلے ملک جان دی چھٹی نہ منگے۔ ہدایتاں مطابق اکو ویلے وزیر تے وزیر مملکت باہرلے ملک نہیں جا سکدے جے دوویں اکٹھے جان تے وزیر اعظم ہاؤس وچ ایس حوالے نال پیشگی اطلاع دتی جائے۔ ایس توں وکھ ایہ کہ غیر ملکی دورا صرف سرکاری ضرورت دے تحت کیتا جائے گا۔ شاہد خاقان عباسی دا ہور کہنا سی کہ وزیراں نوں اختیار اے کہ اوہ اپنے سیکرٹری نوں باہرلے ملک گھل سکدے نیں۔