اسلام آب اد(پاکستان پوائنٹ نیوز31۔جولائی 2017ء) حمزہ شہباز شریف نوں پنجاب دا پکا جدکہ رانا ثناء اللہ یاں مجتبی شجاع الرحمان نوں عبوری وزیر اعلا بنائے جان بارے غور کیتا جا رہیا اے۔ تفصیل مطابق مری وچ ہون والے مسلم لیگ (ن) دے پارلیمانی اجلاس وچ کئی اہم فیصلے کر لے گئے نیں ۔ اجلاس دوران فیصلا کیتا گیا اے کہ نا صرف وزارت عظمی بلکہ پنجاب دی وزارت اعلا دا عہدا وی شریف خاندان دے ای کسے جی نوں دتا جائے۔
ایس فیصلے مگروں حمزہ شہباز نوں پنجاب دا پکا وزیر اعلا بنان بارے غور کیتا جا رہیا اے۔ ایس حو الے نال آخیری فیصلا کُجھ دناں وچ کیتا جائے گا۔ یاد رہوے کہ حمزہ شہباز نوں پنجاب دا وزیر اعلا بنائے جان دے مشورے تے نواز شریف ولوں رضا مندی ظاہر نہیں کیتی گئی سی۔ پر ہن نا صرف وزارت عظمی بلکہ پنجاب دی وزارت اعلا دا عہدا وی شریف خاندان دے ای کسے جی نوں دین دا فیصلا کیتا گیا اے۔
