شاہد آفریدی دی دھی عماد وسیم دی ’فین‘ نکلی

لندن(پاکستان پوائنٹ نیوز31۔جولائی 2017ء) قومی ٹیم دے سابق کپتان شاہد آفریدی انٹرنیشنل کرکٹ توں ریٹائرمنٹ مگروں اج کل اپنی فاؤنڈیشن نوں ٹائم دین دے نال نال فلاحی کماں لئی چندہ جمع کرن وچ رُجھے نیں۔ تفصیل مطابق37ورھیاں دے سابق آل راؤنڈر اجکل برطانیا وچ ’ہمیشائز‘ لئی ٹی ٹونٹی لیگ کھیڈن دے نال نال اپنی فاؤنڈیشن لئی چندہ وی جمع کر رہے نیں۔شاہد آفریدی ولوں برطانیا وچ اک تقریب دا آہر کیتاگیا ‘ تقریب وچ غیر ملکی کھڈاریاں دے نال نال محمد عامر تے عماد وسیم وی رلتی سن۔ ایس موقعے تے گل بات کردے ہوئے شاہد آفریدی دا کہنا سی کہ اوہناں دی دھی عماد وسیم دی وڈی فین اے جہدا سبھ توں وڈا ثبوت ایہ اے کہ اوہنے لیپ ٹاپ دا پاس ورڈ نمبر 1ٹی ٹونٹی باؤلر دے ناں تے اے۔