ملتان(پاکستان پوائنٹ نیوز31۔جولائی 2017ء) سابق سینئر وفاقی وزیر مخدوم جاوید ہاشمی نے آکھیا اے کہ دھرنے دوران عمران خان نے آکھیا کہ تصدق جیلانی مگروں آن والے جج پارلیمنٹ توڑ دین گے‘ ٹیکنو کریٹ حکومت دی نگرانی ہیٹھ ستمبر وچ الیکشن ہون گے تے ساڈی حکومت بن جائے گی‘ گوجرنوالا وچ پتھر سُٹے گئے عمران خان تے شیخ رشید میز ہیٹھاں لُک گئے‘ پرویز مشرف بہت بزدل تے بھگوڑا اے۔
اوہناں نے سپریم کورٹ و چ نواز شریف دی نااہلی مگروں ملتان وچ پریس کانفرنس کردے ہوئے آکھیا کہ کدی عہدے‘ اقتدار تے اولاد لئی دعا نہیں منگی‘ ہمیشہ پاکستان دی سلامتی لئی دعا منگی اے ‘ جے سپریم کورٹ نہیں بُلاندی تے اوہناں دی مرضی اے۔ اوہناں دا کہنا سی کہ تُسیں سمجھو میں کعبے اندر تے رب نوں حاضر جان کے اج قوم ساہمنے بیان حلفی دے رہیا واں کہ عمران خان نے آکھیا کہ سی تصدیق جیلانی دے جان مگروں جو جج آن گے اوہ پارلیمنٹ توڑ دین گے جدکہ نواز شریف اپنے آپ استعفا دے دیوے گا‘ جہدے مگروں ٹینکوکریٹ دی حکومت ہیٹھ سمتبر و چ الیکشن ہون گے۔
تے ساڈی حکومت بن جائے گی کیونکہ ساڈا مقابلا کرن دی کوئی وی جرت نہیں کرے گا۔ میں عمران خان نوں آکھیا کہ ایہ گل آئین نال جُڑت نہیں کھاندی‘ آئین ٹُٹ جائے تے مارشل لاء لگ جائے گا۔
