پاناما کیس: وقار یونس تے شاہد آفریدی دے بیان وی ساہمنے آگئے

لاہور(پاکستان پوائنٹ نیوز28۔جولائی 2017ء) پاناما کیس تے سپریم کورٹ ولوں جاری کیتے گئے فیصلے مگروں قومی ٹیم دے سابق کپتان وقار یونس تے شاہد آفریدی دے بیان وی ساہمنے آ گئے نیں۔ قومی ٹیم دے دوویں سابق کپتاناں نے پاناما کیس تے گل بات کرن لئی سوشل میڈیا ویب سائٹ ٹویٹر دا سہارا لیا۔ شاہد آفریدی دا کہنا سی کہ ’پاناما فیصلا بہت دور رس نتیجے دا حامل اے‘ اللہ کرے ایہ نتیجے پاکستان دے حق وچ بہتر ہون‘ پاکستان زندا باد۔سابق کپتان وقار یونس نے عمران خان نوں مخاطب کردے ہوئے آکھیا کہ ’کُجھ لوک ایس لئی کامیاب ہوندے نیں کیونکہ اوہ بہت خش قسمت ہوندے نیں پر ’کپتان‘ تُسیں اپنے یقین تے پکے ارادے کارن کامیاب ہوئے‘ پوری قوم نوں تہاڈے تے فخر اے‘۔