پاناما کیس دا فیصلا 3دی بجائے 5رکنی بنچ ولوں سنایا جائے گا

اسلام آباد(پاکستان پوائنٹ نیوز27۔جولائی 2017ء) پاناما کیس دا فیصلا 28جولائی نوں 3دی بجائے 5رکنی بنچ ولوں سنایا جائے گا ۔ تفصیل مطابق ملکی تواریخ دے سبھ توں وڈے پاناما کیس دے فیصلے دی تاریخ دا اعلان کر دتا گیا اے۔ فیصلا کلے ساڈھے گیارھاں وجے سپریم کورٹ دے اُچیچے بنچ ولوں سنایا جائے گا۔ ایس حوالے نال اعلان کیتا گیا اے کہ فیصلا سپریم کورٹ دا تن رکنی نہیں بلکہ 5رکنی بنچ سنائے گا۔