ملکی سیاست وچ ایان علی ٹو دی انٹری

اسلام آباد(پاکستان پوائنٹ نیوز26۔جولائی 2017ء) ملکی سیاست وچ ایان علی ٹو دی انٹری ہوئی اے۔ تفصیل مطابق سابق وفاقی وزیر و تحریک انصاف دی رہنما فردوس عاشق اعوان ولوں ملکی سیاست وچ ایان علی ٹو دی انٹری دا انکشاف کیتا گیا اے۔ فردوس عاشق اعوان دا دعوا اے کہ وزارت دفاع دی مدد نال اک کُڑی راہیں سیالکوٹ دے اک بنک توں پیسہ باہرلے ملک گھلیا جا رہیا اے۔ فردوس عاشق اعوان نے الزام لایا اے کہ اوس کُڑی دے وزیر دفاع خواجا آصف نال تعلقات نیں۔ وزیر دفاع تے اوس کُڑ ی وچکار کوئی رشتہ نہیں اے پر فیر وی ایہناں دوواں وچکار تعلقات قائم نیں۔ فردوس عاشق اعوان نے اوس کُڑی نوں ملک دی ایان علی ٹو قرار دتا اے۔