کراچی(پاکستان پوائنٹ نیوز22۔جولائی 2017ء) صوبائی راجدھانی دے علاقے جی پی او چوک وچ رکشے دے ڈرائیور نے چالان کرن تے احتجاجن رکشے نوں اگ لا دتی، پر فائر بریگیڈ نے ویلے سِر پہنچ کے اگ تے قابو پالیا۔ میڈیا رپورٹس مطابق جی پی او چوک وچ لاہور ہائی کورٹ ساہمنے ٹریفک وارڈن نے ٹریفک قانون دی خلا ف ورزی تے رکشے دا چالان کر دتا۔ جہنوں رکشے دے ڈرائیورنے غلط قرار دیندے ہوئے احتجاج کیتا تے اپنے رکشے نوں اگ لا دتی۔
ڈرائیور دا کہنا اے کہ ٹریفک سگنل اجے گرین سی کہ میں بریک لان دی کوشش کیتی پر اشارا بند ہو گیا، ایہدے وچ میری غلط نہیں سی جدکہ ٹریفک وارڈن نے دسیا کہ رکشے دا چالان ٹریفک قانون دی خلاف ورزی تے کیتا گیا اے۔ مقامی لوکاں ولوں فون کیتے جان مگروں فائر بریگیڈ دی گڈی اوتھے پہنچی تے اگ نوں بجھایا۔ دوجے پاسے رکشے دے ڈرائیور نے الزام لایا کہ میرے رکشے نوں اگ ٹریفک وارڈن نے لائی اے۔
