کراچی(پاکستان پوائنٹ نیوز22۔جولائی 2017ء) پی آئی اے ولوں حج آپریشن دیاں تیارں پوریاں نہیں نیں، پی آئی اے نوں حج آپریشن لئی جہازاں دی کمی دا ساہمنا اے جہدے کارن آپریشن متاثر ہون دا خدشا اے۔ اطلاع مطابق پی آئی اے جہازاں دی کمی کارن اجے حج شیڈول تیار نہ کر سکی، پی آئی اے نے سعودی ایوی ایشن نوں جہازاں دا شیڈول نہیں دتا۔ پی آئی اے نے حج آپریشن 24جولائی توں شروع کرن دا دعوا کیتا سی پر ہن حج آپریشن ڈاڈھی طرحاں متاثر ہون دا خدشا اے۔
اطلاع اے کہ پی آئی اے نوں لیز تے بوئنگ 777جہاز اجے نہیں ملیا جس کارن ہن امکان اے کہ حج آپریشن لئی یورپ جان والیاں اُڈاناں دا شیڈوال متاثر ہوئے گا۔ اطلاع اے کہ پی آئی اے جہازاں دی کمی کارن شیڈول متاثر ہو سکدا اے۔ کراچی توں اسلام آبا دجان والی اُڈان کے 372وچ 3گھنٹے اجے دیر اے، کراچی توں فیصل آباد جان والی اُڈان پی کے 342تن گھنٹیاں توں ودھ لیٹ ہوئی۔ ایسے طرحاں لاہور وں آن والی اُڈان پی کے 307، 2گھنٹے توں ودھ لیٹ ہوئی جہدے کارن کراچی ائر پورٹ توں مسافراں نے پی آئی اے انتظامیا خلاف احتجاج وی کیتا اے۔
