چودھری نثار نال سن، نیں تے رہن گے:خواجا سعد رفیق

اسلام آباد(پاکستان پوائنٹ نیوز22۔جولائی 2017ء) وزیر ریلوے خواجا سعد رفیق نے آکھیا اے کہ چودھری نثار نال سن، نیں تے رہن گے، اوہناں دی نواز شریف نال 32ورھیاں دی رفاقت اے، اوہ آزمائش تے اوکڑاں وچ پچھانہ نہیں ہون گے، مخالفاں دیاں خاہشاں پوریاں نہیں ہون گیاں۔ ہفتے نوں سماجی رابطے دی ویب سائٹ ٹویٹر اُتے اپنے بیان وچ سعد رفیق نے آکھیا کہ چودھری نثار نال سن، نیں تے رہن گے۔ اوہناں دی نواز شریف نال 32ورھیاں دی رفاقت اے، اوہ آزمائش تے اوکڑاں وچ پچھانہ نہیں ہون گے۔ خواجا سعد رفیق دا کہنا سی کہ مخالفاں دیاں خاہشاں پوریاں نہیں ہون گیاں۔