اسلام آباد(پاکستان پوائنٹ نیوز20۔جولائی 2017ء) نجی ٹی وی چینل دے پروگرام وچ گل بات کردے ہوئے عابد شیر علی نے فردوس عاشق اعوان تے الزام لاندے ہوئے آکھیا کہ ایہ پہلے زرداری فیرمشرف تے ہن پی ٹی آئی لئی بولدیاں نیں۔اوہناں دا کہنا سی کہ تُسیں بہت سوہنا بولدے او پر مینوں ایہ سمجھ نہیں آؤندی کہ تُسیں جس تھالی وچ کھاندے او اوہدے وچ ای کیوں تُھکدیاں او۔
میری تہاڈے نال کوئی لڑائی نہیں میں تے لوکاں نوں اصلیت دسنا واں۔ نیوز اینکر نے عابد شیر علی دیاں گلاں دا جواب دیندے ہوئے آکھیا کہ ایہ کوئی وڈی گل نہیں کہ ایہ کس پارٹی وچ سن مینوں ایہ دسو رانا ثناء اللہ پہلے کس پارٹی وچ سن؟دانیال عزیز پہلے مشرف دے وزیر سن۔ دانیال عزیز پہلے نواز شریف نوں گالھاں کڈھدے سن۔ فردوس عاشق اعوان نے آکھیا کہ مینوں نیب توں کلین چٹ ملی۔ تُسیں سزا بھگت چکے او جے تُسیں بدتمیزی کرو گے تے میں اوہدے توں ودھ بد تمیزآں۔
