امریکا نے پاک فوج نوں دھماکا خیز مواد دی نشان کاری کرن والا سامان دے دتا

اسلام آباد(پاکستان پوائنٹ نیوز19۔جولائی 2017ء) امریکی سفارت خانے دے دفتر برائے دفاعی نمائندا نے پاک فوج نوں دھماکا خیز مواد دی نشان کاری کرن والے 50جدید ترین آلات فیڈو ایکس تھری دے دتے نیں۔ ایہ سامان پاک فوج نوں دہشت گردی خلاف کارروائیاں دوران ورتن لئی دتا گیا اے۔سامان دین دا مقصد دھماکا خیز مواد دی نشان کاری کر کے قیمتی جاناں نوں بچانا اے۔ چیتے رہوے کہ فیڈو ایکس 3اک جدید ترین دستی آلہ اے جہدی مدد نال 10سکینڈز دے اندر اندر کسے وی شے اندر موجود دھماکا خیز مواد دا پتا لایا جا سکدا اے۔