مقبوضہ کشمیر دے علاقے پونچھ وچ بھارتی فوجی کیمپ اُتے پاک فوج دا جوابی حملا، کئی بھارتی فوجی ہلاک ہون دی اطلاع

راولپنڈی(پاکستان پوائنٹ نیوز17۔جولائی2017ء) مقبوضہ کشمیر دے علاقے پونچھ وچ بھارتی فوجی کیمپ اُتے پاک فوج نے جوابی حملا کیتا اے۔ عسکری وسیلیاں توں ملن والیاں اطلاعواں مطابق پچھلے دیہاڑے لائن آف کنٹرول اُتے بھارتی فوج ولوں پاک فوج دی جیپ نوں نشانا بنائے جان دے بعد ہن پاک فوج نے وی بھرپور جوابی کارروائی کیتی اے۔ اطلاع مطابق پاک فوج ولوں مقبوضہ کشمیر دے علاقے پونچھ وچ بھارتی فوجی کیمپ اُتے جوابی حملاکیتا گیا اے۔ حملے وچ کئی بھارتی فوجیاں دے ہلاک ہون دی اطلاع اے۔