قومی وطن پارٹی تے اے این پی نے نواز شریف دے استعفے نوں سپریم کورٹ دے فیصلے نال مشروط کر دتا

اسلام آباد(پاکستان پوائنٹ نیوز14۔جولائی2017ء) قومی وطن پارٹی تے اے این پی نے نواز شریف دے استعفے نوں سپریم کورٹ دے فیصلے نال مشروط کر دتا۔تفصیل مطابق قومی وطن پارٹی دے سربراہ آفتاب شیر پاﺅ نے آکھیا کہ وزیر اعظم نواز شریف نوں استعفا اُتے مجبور نہ کیتا جائے۔ اپوزیشن پارٹی دی وڈی گنتی نواز شریف دے استعفے دے حق وچ اے پر اسیں استعفا دے مطالبے نوں سپریم کورٹ دے فیصلے نال مشروط کر دتا اے۔

اوہناں نے آکھیا کہ وزیر اعظم نواز شریف نوں سپریم کورٹ دے فیصلے تیکر استعفا نہیں دینا چاہیدا۔ چیتے رہوے کہ اج اپوزیشن لیڈر سید خورشید شاہ دی صدارت ہیٹھ حکومت مخالف جماعتاں دا اجلاس ہویا۔ اجلاس دوران اپوزیشن دی وڈی گنتی نے وزیر اعظم نواز شریف دے استعفے دا مطالبا کیتا۔ میڈیا نال گل بات کردے ہوئے عوامی نیشنل پارٹی تے قومی وطن پارٹی دے رہنماواں نے وزیر اعظم نواز شریف دا استعفا سپریم کورٹ دے فیصلے نال مشروط کر دتا اے۔ عوامی نیشنل پارٹی دے رہنما غلام بلور نے آکھیا کہ نواز شریف نوں اجے استعفا نہیں دینا چاہیدا۔