رحیم یار خان : کشتی دریا وچ ڈُب گئی، 2 بال ہلاک، سوانی زخمی

رحیم یار خان (پاکستان پوائنٹ نیوز16۔اگست 2016ء) رحیم یار خان دے علاقے وچ کشتی دریائے سندھ وچ دُبن نال دو بال ہلاک تے اک سوانی زخمی ہو گئی۔ اطلاع دے مطابق رحیم یار خان دے علاقے وچ بنگلہ اچھا توں روجھان جان والے بندیاں دی کشتی دریائے سندھ وچ بھار زیادا ہون پاروں ڈُب گئی جہدے پاروں کشتی وچ سوار 150 بندے ڈُب گئے۔ ریسکیو ٹیماں تے مقامی بندیاں نے ویلے سِر کارروائی کردے ہوئے 146 بندیاں نوں زندا بچا لیا۔ ریسکیو حکام دے مطابق حادثے وچ دو بال ہلاک تے اک سوانی زخمی ہوگئی۔ آخری اطلاع دے مطابق اک بندے دی تلاش جاری اے جدکہ زخمی سوانی نوں سول ہسپتال رحیم یار خان منتقل کر دِتا گیا اے۔