ملتان (پاکستان پوائنٹ نیوز16۔اگست 2016ء) ملتان دے علاقے رشید آباد وچ نشے وچ دھت دو پولیس اہلکاراں نے رکشا ڈرائیور نوں تشد دا نشانا بنا دِتا، شہریاں نے دوویں اہلکاراں نوں دھر لیا۔ جدکہ پولیس والیاں دی گڈی توں شراب دیاں بولتاں وی برآمد کیتیاں گئیاں۔ تفصیل دے مطابق ملتان دے علاقے رشید آباد دے نیڑے دو پولیس اہلکار جو کہ وردی وچ سن نے رکشا ڈرائیور اُتے تشدد کیتا جدکہ شہریاں نے پولیس اہلکار اشرف تے عمر نوں دھر لیا ، جدکہ اوہناں دی پرائیوٹ گڈی توں وڈی گنتی وچ شراب دیاں بوتلاں برآمد ہوئیاں۔
اطلاع ملن تے پولیس دی بھاری نفری موقع تے پہنچی تے پیٹی بھراواں نوں شہریاں توں بچاون دی بھرپور کوشش کیتی۔ نشے دی حالت وچ شہریاں اُتے تشدد کرن والے اہلکار ناگ شاہ تھانے وچ تعینات سن۔ پولیس دا کہنا اے کہ جرم ثابت ہویا تے شراب پین والے دوویں اہلکاراں نوں سزا دِتی جاوے گی۔
