اسلام آباد (پاکستان پوائنٹ نیوز16۔اگست 2016ء) عوامی مسلم لیگ دے رہنما شیخ رشید نے وزیر اعظم نوا زشریف خلاف نا اہلی ریفرنس جمع کر وا دِتا اے۔ شیخ رشید نے وزیر اعظم نواز شریف خلاف نااہلی ریفرنس سپیکر آفس وچ جمع کروایا۔ تفصیل دے مطابق عمران خان دے بعد شیخ رشید نے وی سپیکر قومی اسمبلی دے دفتر وچ وزیر اعظم دی نااہلی خلاف ریفرنس دائر کر دِتا۔
شیخ رشید نے دسیا کہ وزیر اعظم نواز شریف خلاف نااہلی ریفرنس 162 صفحیاں اُتے مشتمل اے۔ اوہناں نے آکھیا کہ سپیکر قومی اسمبلی منی لانڈرنگ تے اثاثے لُکان اُتے وزیر اعظم نوا زشریف نوں نااہل قرار دیوے۔ اوہناں دا کہنا سی کہ وزیر اعظم نواز شریف خلاف نااہلی ریفرنس وچ پاناما لیکس نوں بنیا د بنایا گیا اے۔ وزیر اعظم نواز شریف آئین دے آرٹیکل 63-62 اُتے پورا نہیں اُتردے۔
جہدے تے وزیر اعظم نواز شریف رکن قومی اسمبلی رہن دے اہل نہیں رہے، اوہناں نے آکھیا کہ ریفرنس وچ دِتے گئے ثبوت وزیر اعظم نواز شریف دی نااہلی لئی بتیھرے نیں اوہناں دا ہور کہنا سی کہ سپیکر قومی اسمبلی آیندا 30 دِناں اندر ریفرنس خارج کرن یاں الیکشن کمیشن نوں گھلن۔ ایس موقع تے شیخ رشید دا کہنا سی کہ 22 جماعتاں نے مینوں چیف کوآرڈنیٹر بنایا اے، تے تحریک انصاف نے وی مینوں ای چیف مِتھیا اے۔ ساریاں جماعتاں نے طے کیتا اے کہ اِکو نعرا لائیے۔ یاد رہوے کہ ایس توں پہلے پیر دے دیہاڑے تحریک انصاف وزیر اعظم نواز شریف خلاف سپیکر قومی اسمبلی دے دفتر وچ ریفرنس دائر کر چکی اے۔
