آﺅندے الیکشن دی تیاری: چیف الیکشن کمشنر نے وزیر اعظم نوں خط لکھ دتا

اسلام آباد(پاکستان پوائنٹ نیوز12۔جولائی2017ء) چیف الیکشن کمشنر جسٹس سردار محمد رضا خان نے وزیر اعظم میاں محمد نواز شریف نوں خط لکھیا اے، خط وچ چیف الیکشن کمشنر دا کہنا اے کہ پارلیمنٹ توں چھیتی ای انتخابی اصلاحات منظور کیتیاں جان تاں جے آﺅندے ورھے الیکشن دی تیاری شروع ہو سکے۔ تفصیل مطابق چیف الیکشن کمشنر ولوں لکھے گئے خط وچ انتخابی اصلاحات بارے وزیر اعظم توں درخاست کیتی اے کہ اوہ چھیتی پارلیمنٹ توں منطور کر والین تاں جے الیکشن کمشن آف پاکستان آﺅندے سال ہون والے الیکشن دی تیاری شروع کر سکے۔