میرا خیال اے کہ نواز شریف کُجھ دیر وچ لڑائی دا فیصلا کر سکدے نیں:شیخ رشید

اسلام آباد(پاکستان پوائنٹ نیوز10۔جولائی2017ء) عوامی مسلم لیگ دے سربراہ شیخ رشید نے آکھیا اے کہ میرا خیال اے کہ نواز شریف کُجھ دیر وچ لڑائی دا فیصلا کر سکدے نیں، جو کُجھ ہویا حکومت نوں ہوش کرنی چاہیدی۔ اوہناں نے سپریم کورٹ وچ جے آئی ٹی دی رپورٹ اُتے ردعمل دا وکھالا کردے ہوئے آکھیا کہ قطری شہزادہ کہندا اے کہ پاکستانی قانون دے دائرے وچ میں نہیں آﺅندا۔ قطری شہزادہ ایہناںدا ای گواہ اے ایس لئی ایہناں نوں ای اوہنوں لیانا چاہیدا۔ اوہناں دا کہنا سی کہ ثبوت وی ایتھوں نکلے گا تے تابو وی ایتھوں ای۔ شیخ رشید نے آکھیا کہ جو کُجھ اج ہویا حکومت نوں ہوش کرنی چاہیدی۔ میرا خیال اے کہ نواز شریف کُجھ دیر وچ لڑائی دا فیصلا کر سکدے نیں۔