چترال(پاکستان پوائنٹ نیوز04۔جولائی2017ء) پی ٹی آئی چیئرمین عمران خان نے آکھیا کہ پاناما کیس بارے چنگی خبر آن والی اے۔ جے کسے نوں شک اے تے اسحاق ڈار دی کل والی شکل ویکھ لوے۔ چترال وچ میڈیا نال گل بات کردے ہوئے عمران خان نے آکھیا کہ کل میڈیا نال گل بات کردے ہوئے اسحاق ڈار دی شکل سبھ کُجھ دس رہی سی۔ اک جھوٹھ بولن لئی 100جھوٹھ بولنے پیندے نیں۔
اوہناں دا کہنا سی کہ جھوٹھ بولن والے دی اُنجدی شکل بن جاندی اے جیویں دی کل اسحاق ڈار دی سی۔ عمران خان نے آکھیا کہ حقیقی جمہوریت نہ ہوئے تے ایتھے مفادات بچان والا طبقہ قبضہ کر لیندا اے۔ کوشش ہوندی اے کہ کرپٹ نظام نوں بچایا جائے تاں جے سارے فائدا چُکن۔ اک پاسے اے این پی اے جو اپنے آپ نوں سیکولر آکھدی اے تے دوجے پاسے مولانا فضل الرحمان نیں جہناں دا مقصد اے کہ کرپشن خلاف کارروائی نہ ہوئے۔ اوہناں نے آکھیا کہ جے اسیں کرپٹ نظام خلاف سڑکاں اُتے نہ نکلے تے ایہناں نے اک دوجے نوں بچانا سی۔ سارے جاندے نیں کہ اک وار کرپشن دے گاڈ فادر دا حساب ہوئے گا تے سارے ولھیٹے جان گے۔ جمہوریت وچ میرٹ ہوندا اے پر بادشاہت وچ کوئی میرٹ نہیں ہوندا۔
