اسلام آباد(پاکستان پوائنٹ نیوز03۔جولائی2017ء) عمران خان دیاں بھیناں نے اسحاق ڈار دے بیان دا جواب دے دتا۔ تفصیل مطابق پاناما کیس جے آئی ٹی وچ پیشی مگروں وزیر خزانا اسحاق ڈار ڈاڈھے غصے وچ وکھالی دتے۔پیشی دے بعد میڈیا نال گل بات کردے ہوئے اوہناں نے تحریک دے رہنما عمران خان تے اوہناں دیاں بھیناں نوں تنقید دا نشانا بنایا۔ ایس حوالے نال ہن عمران خان دیاں بھیناں علیمہ خان تے عظمی نے ردعمل دا وکھالا کردے ہوئے آکھیا اے کہ ایویں رولا نہ پایا جائے جے اسیں کوئی جرم کیتا اے تے سانوں کٹہرے وچ پیش کیتا جائے۔
سانوں جیل دیاں سلاخاں پچھے بند کیتا جائے۔ عمران خان دیاں بھیناں دا کہنا اے کہ سانوں سمجھ نہیں آﺅندی کہ پاناما کیس تے اسیں کیتا ای نہیں فیر ساڈے اُتے پتا نہیں کیوں الزام لائے جا رہے نیں۔
