اج میرے ماں پیو قبر وچ خش ہو ن گے، شہلا رضا نے (ن) نوں پچھوکڑ یاد کروا دتا

کراچی(پاکستان پوائنٹ نیوز03۔جولائی2017ء) نجی ٹی وی چینل دے پروگرام وچ گل بات کردے ہوئے پاکستان پیپلز پارٹی دی رہنما و ڈپٹی سپیکر سندھ اسمبلی شہلا رضا نے آکھیا جہنوں (ن) لیگ والے سوانی آکھ رہے نیں اوہ 2 وار ملک دی وزیر اعظم بنی۔ جے آئی ٹی ولوں سمن جاری ہون اُتے اوہناں دی دھی ہو گئی تے 1990وچ کسے دی دھی نہیں سی؟ شہلا رضا نے آکھیا کہ میرے لئی ایہ قانون نہیں سی 27دن مینوں سی آئی اے سینٹر وچ رکھیا گیا۔ اوہناں نے آکھیا کہ مائزہ حمید عمر وچ میرے نالوں نِکی اے۔ ایہنوں چاہیدا کہ ایہ جا کے مریم نواز نوں آکھے کہ اپنے باپ کولوں پُچھلے کہ 1990وچ جدوں شہلا رضا نوں گرفتار کیتا گیا تے دوہرے قتل دا مقدمہ بناکے سی آئی اے سینٹر وچ 27دن رکھیا گیا کیہ میں اوس ویلے کسے دی دھی نہیں ساں؟ اوہناں نے (ن) لیگ نوں تنقید دا نشانا بناندے ہوئے آکھیا کہ جے تُسیں نواز شریف او تے میں سیدہ شہلا رضا واں۔ تُسیں کسے دی دھی نوں کیویں چُکیا؟ اج مکافات عمل اے ۔ میری گرفتاری اُتے جس طرحاں میرے مرحوم ماں پیو روئے سن ایہ ویکھ کے اج اوہ قبر وچ خش ہو رہے ہون گے۔ اوہناں نے وزیر اعظم مخاطب کردے ہوئے آکھیا کہ تُسیں میرے اُتے غلط الزام لایا سی پر تہاڈی دھی مستند جھوٹی اے جہدا آن ریکارڈ بیان اے کہ میری تے کوئی جائیداد ای نہیں اے۔