اسلام آباد(پاکستان پوائنٹ نیوز01۔جولائی2017ء) ریکارڈ وچ بدلی دیاں تحقیقات لئی ایف آئی اے نے ایس ای سی پی دا کمپیوٹر سرور اپنے قبضے وچ لے لیا اے۔ تفصیل مطابق ایس ای سی پی ولوں چودھری شوگر ملز د اریکارڈ بدلے جان دیاں تحقیقات جاری نیں جدکہ ہن ایس سلسلے وچ ایف آئی اے نے ایس ای سی پی دا مین کمپیوٹر سرور اپنے قبضے وچ لے لیا اے۔ وسیلیاں مطابق ایس مین سرور نوں فرانزک لیبارٹری گھلیا جائے گا تاں جے چودھری شوگر ملز بارے ڈیٹا ریکور کیتا جا سکے۔
وسیلیاں مطابق ایف آئی اے فرانزک رپورٹ لے کے تن دن اندر سپریم کورٹ وچ جمع کروائے گی۔ ایس رپورٹ وچ ممکنہ طور اُتے ریکارڈ بدلن والے ذمے واراں دا تعین کیتا جائے گا۔ چیتے رہوے کہ ریکارڈ بدلن دی شکایت اُتے سپریم کورٹ نے جے آئی ٹی دے آکھن تے تحقیقات دا حکم دتا سی۔
