اسلام آباد(پاکستان پوائنٹ نیوز01۔جولائی2017ء) کوہ پیما عظمی یوسف نے 7ہزار فٹ اُچی پہاڑی سر کرن دا اعلان کر دتا۔ تفصیل مطابق پاکستانی کوہ پیما عظمی یوسف نے منگلنگ سر تے رش پیک مگروں 7ہزار فٹ اُچی پہاڑی پار کرن دا اعلان کر دتا اے۔ وفاقی دارالحکومت اسلام آباد وچ میڈیا نال گل بات کردے ہوئے کوہ پیما عظمی یوسف نے آکھیا کہ سوانیاں لئی کوہ پیمائی جیہا شوق پورا کرنا آسان نہیں اے۔
پر سپانٹک پہاڑی سر کرنا میرا تے میرے کوچ دا خاب سی جہنوں اسیں پورا کیتا۔ عظمی یوسف نے آکھیا کہ پہاڑی سر کرن وچ کرنل (ر) عبدالجبار بھٹی نے بہت مدد کیتی تے میں اوہناں توں بہت کُجھ سکھیا۔ عظمی دا کہنا سی کہ میری خاہش اے کہ پاکستان دے سارے پہاڑاں نوں سر کراں۔ اوہناں نے کوہ پیمائی دا شوق رکھن والیاں سوانیاں نوں وی نال ٹُرن دا مشورا دتا تے آکھیا کہ سوانیاں گھریلو ذمے واریاں دے نال نال کوہ پیمائی وچ وی ناں کما سکدیاں نیں۔
