سکھر (پاکستان پوائنٹ نیوز15۔اگست 2016ء) گڈو تے سکھر بیراج توں چالو ورھے مون سون دا پہلا سیلابی ریلا منگل دے دیہاڑے لنگھے گا۔ سیلاب دی اطلاع دین والے مرکز دے مطابق اُتلے علاقیاں وچ ڈاڈھیاں بارشاں پاروں دریاواں وچ پانی دی سطح اُچی ہو رہی اے، جہدی وجہ توں کئی تھاواں تے سیلابی صورتحال پیدا ہو گئی اے۔ سیلاب دی اطلاع دین والے مرکز دے سربراہ دے مطابق دریائے سندھ وچ درمیانے درجے دا سیلاب اے تے چالو ورھے دا ایہ سبھ توں وڈا ریلا منگل نوں کسے وی ویلے گڈو بیراج توں لنگھے گا۔
اوہناں نے آکھیا کہ گڈو تے سکھر بیراج تے پانی دی سطح تیزی نال اُچی ہو رہی اے۔ گڈو بیراج تے پانی دی آمد تِن لکھ 20 ہزار 6 سو تے اخراج دو لکھ 88 ہزار 3 سو کیوسک ریکارڈ کیتی گئی اے جدکہ سکھر بیراج اُتے پانی دی آمد دو لکھ 31 ہزار 3 سو تے اخراج 1 لکھ 75 ہزار 4 سو کیوسک ریکارڈ کیتی گئی اے۔
