داعش دا سربراہ ابوبکر البغدادی ہلاک ہو گیا

ماسکو(پاکستان پوائنٹ نیوز16۔جون2017ء) داعش دے سربراہ ابوبکر البغدادی نوں ہلاک کر دتا گیا۔ تفصیل مطابق روسی وزارت دفاع نے دعوا کیتا اے کہ شام وچ داعش دے شدت پسنداں اُتے کیتے گئے اک فضائی حملے وچ تنظیم دے سربراہ نوں ہلاک کر دتا گیا اے۔ غیر ملکی خبر رساں ادارے مطابق روس دی وزارت دفاع ولوں جاری بیان وچ آکھیا گیا کہ ممکنہ طور اُتے البغدادی 28مئی نوں کیتے گئے فضائی حملے وچ ہلاک ہویا۔ حملے وچ شمالی شام دے شہر رقہ، جو کہ دولت اسلامیہ دا اپنا بنایا ہویا دارلحکومت اے، وچ اسلامیہ دی کونسل دے اجلاس نوں نشانا بنایا گیا سی۔ چیتے رہوے کہ ایس توں پہلے وی کئی وار ابوبکر البغدادی دی موت دیاں اطلاعواں آئیاں سن۔