سی پیک منصوبے تحت چالو ورھے بجلی تے انفراسٹرکچر دے کئی منصوبیاں دے نال نال گوادر بندرگاہ اُتے ہوئی اڈے دی اُساری دا کم شروع ہو جائے گا:وزارت منصوبا بندی

اسلام آباد(پاکستان پوائنٹ نیوز15۔جون2017ء) چالو ورھا گوادر وچ اُساری و ترقی دا سال ثابت ہون جا رہیا اے، سی پیک منصوبے تحت چالو ورھے بجلی تے انفراسٹرکچر دے کئی منصوبیاں دے نال نال گوادر بندرگاہ اُتے ہوئی اڈے دی اُساری دا کم وی شروع ہو جائے گا، منصوبا دو توں تن ورھیاں وچ دوست ملک چین ولوں دتی جان والی گرانٹ دی مدد نال مکمل ہو جائے گا۔ وزارت منصوبا بندی دے حکام نے دسیا کہ وزیر اعظم پاکستان دے پچھلے دِنا دورا چین دوران چینی حکومت ولوں گوادر انٹرنیشنل ائر پورٹ دی اُساری لئی گرانٹ منظور کر لئی گئی سی، گرانٹ دی منظوری مگروں حکومت نے ائر پورٹ لئی تعمیراتی کم تیز کر دتا اے، ائر پورٹ دی اُساری لئی 4300ایکٹر زمین رکھی گئی اے۔

حکومت نے پاکستان سول ایوی ایشن اتھارٹی نوں ایس پراجیکٹ نوں تیزی نال مکمل کرن دی ہدایت کیتی اے۔