راولپنڈی (پاکستان پوائنٹ نیوز13۔اگست 2016ء) صدر مملکت نے ہتھیار بند فوجاں دے جواناں تے افسراں نوں ملٹری اعزاز دین دا اعلان کیتا اے۔ آئی ایس پی آر دے مطابق شہید میجر جواد علی نوں جرائت دا تمغہ دین دا اعلان کیتا گیا۔ ڈی جی آئی ایس پی آر دے مطابق 231 افسراں تے جواناں نوں آرمی چیف جنرل راحیل شریف ولوں تعریفی سنداں دین دا اعلان کیتا گیا اے جدکہ 76 افسراں تے جواناں نوں تمغہ بسالت، چار افسراں تے جواناں نوں ستارا بسالت تے 48 جواناں تے افسراں نوں امتیازی سنداں دین دا اعلان کیتا گیا اے۔
ایس توں وکھ ملٹری دے 19 جواناں تے افسراں نوں ہلال امتیاز، 85 افسراں تے جواناں نوں ستارا امتیاز تے ملٹری دے 112 جواناں تے افسراں نوں تمغہ امتیاز دین دا اعلان کیتا گیا اے۔ جدکہ سید قیصر عباس شاہ، میجر جنرل طارق قدوس، میجر جنرل اطہر صالح عباس، میجر جنرل ماجد احسان، میجر جنرل عامر عباسی تے میجر جنرل عبداللہ ڈوگر نوں ہلال امتیاز دتا گیا اے۔
