کراچی (پاکستان پوائنٹ نیوز13۔اگست 2016ء) کراچی دی مقامی عدالت نے بلدیہ فیکٹری کیس وچ ملزم علی حسن دی ضمانت درخواست رد کر دِتی۔ علی حسن نوں نویں جے آئی ٹی وچ مِتھیا گیا سی ۔ تفصیل دے مطابق ہفتے دے دیہاڑے بلدیہ ٹاؤن فیکٹری دُکھانت کیس دی سنوائی دے دوران ملزم ارشد، فضل احمد، شاہ رخ ، منصور سنے ہور نوں عدالت وچ پیش کیتا گیا۔ فیکٹری مالکاں دے حوالے نال عدالت دے سوال دا جواب دیندے ہوئے فیکٹری مالکاں ولوں حاضری توں استشنی دی درخواست جمع کروائی گئی جہدے تے متاثرین دے وکیل نے آکھیا کہ فیکٹری دے مالک 2014 توں پیش نہیں ہو رہے جدکہ ایس موقع اُتے سپیشل پبلک پراسکیوٹر نے عدالت نوں یقین دہانی کروائی کہ کیس دا چالان اک ہفتے وچ اے ٹی سی کورٹ وچ پیش کردِتا جائے گا۔
جدکہ عدالت نے کیس دی سنوائی 28 اگست تیکر ملتوی کردے ہوئے نویں جے آئی ٹی وچ نامزد ملزم علی حسن دے ناں پیش ہون اُتے اوہدی ضمانت درخواست رد کر دِتی۔
