اسلام آباد(پاکستان پوائنٹ نیوز12۔جون2017ء) قومی اسمبلی وچ حزب اختلاف سید خورشید شاہ دی صدارت ہیٹھ اپوزیشن جماعتاں دے پارلیمانی رہنماواں دا اجلاس ہویا، اجلاس وچ وزیراعظم نواز شریف دی جے آئی ٹی ساہمنے پیشی تے قومی اسمبلی وچ اپوزیشن دی بجٹ تقریر براہ راست نہ چلان بارے وچار وٹاندرا کیتا گیا۔ اجلاس دوران پیپلز پارٹی، پی ٹی آئی، متحدہ، جماعت اسلامی، اے این پی تے ق لیگ دے پارلیمانی رہنماواں نے رلت کیتی۔
اجلاس وچ پیپلز پارٹی دے نوید قمر، نفیسہ شاہ، ایم کیو ایم دے شیخ صلاحی الدین، ڈاکٹر فوزیہ اقبال، جماعت اسلامی دے رہنما طارق اللہ، اے این پی دے غلام بلور تے ہور جماعتاں دے رہنماواں نے رلت کیتی۔ اجلاس وچ اپوزیشن جماعتاں نے جے آئی ٹی ولوں وزیر اعظم دی طلبی دے معاملے دا جائزا لیا۔ اجلاس دوران بجٹ اجلاس وچ اپوزیشن رہنماواں دی تقریر براہ راست نال چلان بارے وچار وٹاندرا کیتا گیا۔
