کراچی(پاکستان پوائنٹ نیوز10۔جون2017ء) ایم کیو ایم رہنما جمال احمد دی گڈی اُتے نامعلوم بندیاں نے فائرنگ کر دتی ، فائرنگ دے نتیجے وچ جمال احمد محفوظ رہے ۔ میڈیا رپورٹس مطابق کراچی دے شادمان ٹاﺅن وچ ایم کیو ایم دے رکن سندھ اسمبلی اپنی گڈی وچ گھر دے کول ای سن کہ نامعلوم بندیاں نے اوہناں اُتے فائرنگ کر دتی۔ جمال احمد اُتے ملزماں ولوں فائرنگ اوس ویلے فائرنگ کیتی گئی جدوں اوہ اپنے گھر نیڑے گڈی توں باہر نکل رہے سن۔
نامعلوم ملزماں نے متحدہ رہنما دی گڈی اُتے چار فائر کیتے پر فائرنگ دے نتیجے وچ جمال احمد محفوظ رہے۔ واقعے خلاف پولیس نے قانونی کارروائی شروع کردے ہوئے ملزماں دی بھال لئی شہر بھر وچ ناکے لا دتے نیں جدکہ پولیس نوں وقوعہ توں 30بور دے پستول دا خول تے ٹی ٹی گولی ملی اے۔نامعلوم بندیاں دی فائرنگ دے جواب وچ جمال احمد دے سکیورٹی گارڈاں فائرنگ کیتی پر ملزم موٹر سائیکل سُٹ کے فرار ہو گئے۔
