تخت رائے ونڈ بُھل جائے ادارے قربان کرن تے ماضی دی تاریخ دہران اُتے اسیں چپ نہیں رہواں گے: بلاول

لاہور(پاکستان پوائنٹ نیوز08۔جون2017ء) پاکستان پیپلز پارٹی دے چیئرمین بلاول بھٹو زرداری نے آکھیا اے کہ ادارے ساڈی قیادت دیاں قربانیاں نال بنے نیں۔ وزارت عظمی تے حکومتاں قربان کیتیاں پر اداریاں دے فیصلے منے، تخت رائے ونڈ بھل جائے ادارے قربان کرن تے ماضی دی تاریخ دہران اُتے چپ نہیں رہواں گے۔ جمعرات دے دیہاڑے اپنے جاری بیان وچ بلاول بھٹو دا کہنا سی کہ کسے ادارے نوں اپنے خاندان لئی قربان نہیں کرن دیواں گے۔ ساڈے عدالتی قتل ہوئے، اسیں لاشاں چُکیاں پر ادارےاں نال جھیڑا نہیں کیتا۔ اوہناں دا کہنا سی کہ عدالتاں دے فیصلا اگے اسیں پارٹی عہدے تک قربان کیتے نیں۔ اسیں تخت رائے ونڈ نوں اداریاں نال ٹکر لین دی اجازت تے ماضی دی تاریخ دہران نہیں دیواں گے۔