سوشل میڈیا اُتے آئی ایس پی آر بارے پیغام جعلی نیں: آئی ایس پی آر

راولپنڈی(پاکستان پوائنٹ نیوز07۔جون2017ء) ترجمان پاک فوج میجر جنرل آصف غفور نے آکھیا اے کہ سوشل میڈیا اُتے آئی ایس پی آر بارے پیغام جعلی نیں، وارننگ تے ہنگامی رابطا نمبر دے پیغام ٹھیک نہیں۔ ڈی جی آئی ایس پی آر نے سوشل میڈیا اُتے آن والے پیغام بارے وضاحت کردے ہوئے آکھیا کہ واٹس ایپ راہیں کوئی گل بات نہیں کیتی جاندی۔ اجیہے میسج اگانہ ٹورن توں پرہیز کیتا جائے۔ اوہناں دا کہنا سی کہ ادارے نال جُڑے پیغام جعلی نیں۔ اپنی ویب سائٹ توں ای اطلاع دیندے آں۔ اوہناں نے آکھیا کہ جعلی پیغام وچ جعلی خبردار تے ایمرجنسی رابطا نمبر دتے جا رہے نیں۔ سوشل میڈیا اُتے آئی ایس پی آر نال جُڑے پیغام کھلارے جا رہے نیں۔