راولپنڈی(پاکستان پوائنٹ نیوز05۔جون2017ء) پاکستان تے بھارت دے ڈی جی ملٹری آپریشنز دا ہاٹ لائن اُتے رابطا ہویا اے، رابطے دوران ایل او سی اُتے بھارت ولوں سیز فائر سمجھوتے دیاں خلاف ورزیاں دے حوالے نال وچار وٹاندرا کیتا گیا۔ ڈی جی آئی ایس پی آر مطابق پاک بھارت ڈی جی ایم اوز دا ہاٹ لائن اُتے رابطا اج سویرے 10وجے ہویا۔ ڈی جی ایم او میجر جنرل ساحر شمشاد نے لائن آف کنٹرول تے ورکنگ باﺅنڈری اُتے بھارتی ولوں انھے واہ فائرنگ دا معاملا چُکیا۔
بھارت نوں دسیا گیا کہ ایل او سی اُتے پہلی جون نوں بھارتی فائرنگ نال معصوم پاکستانی شہید ہوئے۔ اوہناں دا کہنا سی کہ پاک فوج ایل او سی تے ورکنگ باﺅنڈری اُتے امن و سکون برقرار رکھن لئی پر عزم اے۔ ڈی جی ایم او پاکستان نے آکھیا کہ بھارت ولوں خلاف ورزیاں دے پکے ثبوت موجود نیں۔
