کراچی(پاکستان پوائنٹ نیوز05۔جون2017ء) سندھ سرکار نے مالی سال 2017-18دا مجموعی 10کھرب، 43ارب 18کروڑ دا صوبائی بجٹ پیش کر دتا اے، بجٹ وچ ترقیاتی خرچیاں دا تخمینہ 10.04کھرب جدکہ جاری خرچیاں دا تخمینہ 606ارب، 96کروڑ رُپئے، بجٹ وچ سرکاری ملازماں دیاں تنخاہواں تے پنشن وچ 10فیصد وادھے دی تجویز دتی گئی اے، بجٹ وچ صوبائی ٹیکس، نان ٹیکس وصولیاں دا نظرثانی شدا تخمینہ 159.29ارب اے۔
وزیر اعلا سندھ سید مراد علی شاہ نے سندھ اسمبلی وچ بجٹ تقریر کردے ہوئے آکھیا کہ ملک تے صوبے وچ بجلی نہ ہون نال عذاب آیا ہویا اے۔ ملک وچ 70فیصد گیس سندھ توں پیدا ہوندی اے پر سندھ نال زیادتی کیتی گئی اے۔ وفاقی منتقلیاں دی وجہ توں کمی دا ساہمنا اے۔ ایس سال 95ارب رُپئے دی کمی دا ساہمنا کراں گے۔ اوہناں دا کہنا سی کہ 10مہینیاں وچ صرف 3982ارب رُپئے وصول ہوئے۔
اوہناں نے آکھیاکہ وفاقی حکومت اپنا وعدا پورا کرے تے 108ارب رُپئے دیوے۔ وزیر اعلا سندھ دفا کہنا سی کہ چالو مالی سال 88فیصد ترقیاتی بجٹ ورت چکے ہوواں گے۔ وزیر اعلا سندھ نے آکھیا کہ کراچی لئی 10ارب دا اُچیچا پیکج رکھن دی تجویز، محکمہ داخلا تے پولیس دا بجٹ 86ارب، اگلے مالی سال لئی 49ہزار آسامیاں کڈھیاں جان گیاں۔ سندھ وچ صحت دا بجٹ اک سور ارب32کروڑتے تعلیمی ترقیاتی پروگرام لئی 17ارب 23کروڑ رکھیا گیا اے جدکہ تعلیم دا بجٹ 24فیصد وادھے نال 202ارب کر دتا گیا اے۔
