کرکٹ میچ ویکھن برمنگھم جاواں گا: شیخ رشید

اسلام آباد(پاکستان پوائنٹ نیوز02۔جون2017ء) عوامی مسلم لیگ دے سربراہ و رکن قومی اسمبلی شیخ رشید نے آکھیا اے کہ بھارت جو کُجھ سرحداں اُتے کر رہیا اے اوہدا نقصان اوہنوں ای ہو رہیا اے۔ کرکٹ میچ ویکھن برمنگھم جاواں گا۔ جمعے نوں پارلیمنٹ دے باہر میڈیا نال گل بات کردے ہوئے شیخ رشید دا کہنا سی پاکستان تے بھارت وچکار ہون والا میچ برمنگھم جاکے ویکھن دی کوشش کراں گا۔ ایس توں پہلے بھارت نے کرکٹ نہ کھیڈ کے کیہ پا لیا اے؟ اوہناں دا کہنا سی کہ اج بھارت سرحداں اُتے جو کُجھ کر رہیا اے اوہدا نتیجہ وی آپے بھگت رہیا اے۔ شیخ رشید نے آکھیا کہ امید اے ساڈے پلیئر بھارت نوں ہرا کے ملک دا ناں روشن کرن گے۔