عمران خان تے جمائما گولڈ سمتھ وچکار ٹیلیفونک رابطا

اسلام آباد(پاکستان پوائنٹ نیوز31۔مئی2017ء) عمران خان تے جمائما گولڈ ستمھ وچکار ٹیلی فونک رابطا ہویا اے۔ تفصیل مطابق تحریک انصاف دے سربراہ عمران خان نے اپنی سابق بیوی جمائما خان نال رابطا کیتا اے۔ عمران خان نے جمائما توں بنی گالا زمین منتقلی دا ریکارڈ منگ لیا اے۔ دوجے پاسے جمائما نے عمران خان نوں ریکارڈ دین دی یقین دہانی کروائی اے۔ جمائما نے ایس سلسلے وچ الائڈ بنک نال ٹرانزیکشن لئی رابطا وی کر لیا اے۔ بنی گالا لئی جس بنک توں پیسے منتقل کیتے گئے اوہ الائڈ بنک وچ ضم ہو گیا اے۔