لاہور(پاکستان پوائنٹ نیوز27۔مئی2017ء) سینئر تجزیا کار اوریا مقبول جان نے آکھیا اے کہ نواز شریف اینے بھولے بھالے نہیں، نواز شریف وی ملک نوں مقروض بنان دی انٹرنیشنل سازش دا حصہ نیں۔ اوہناں نے نجی ٹی وی چینل نال گل بات کردے ہوئے آکھیا کہ نواز شریف اینے بھولے بھالے نہیں نیں۔ اوریا مقبول جان دا کہنا سی کہ جہڑا بندا 40سال توں کاروبار کر رہیا ہووے تے اوہنوں سریا کیویں بندا اے تے مارکیٹ وچ سریے دی قیمت بُہتی کیویں ہو جاندی اے پتا ہووے اوہ بندا اینا بھولا نہیں ہو سکدا کہ اوہ ملک نوں قرضے وچ ڈبو کے چلا جائے،ایہ بین الاقوامی سازش دا حصہ اے۔
اوہناں نے آکھیا کہ 1947وچ برصغیر پاک و ہند اک ملک سی، انگریز میرے والد دا رشتے دار نہیں سی کہ اوہ ساڈے اُتے قرضا خرچ کردا۔ انگریز دے دور وچ ملک اُتے اک رُپئے قرضا نہیں سی۔ ایتھے یونیورسٹیاں، ریلوے سسٹم، زرعی نظام، ہسپتال، سڑکاں، ڈاک سسٹم بنائے گئے۔ 50ہزار پاﺅنڈ لیوی دی مد وچ انگلینڈ وی جاندا سی۔ پر اج ایس ملک دے ہر بندے نوں اک لکھ 10ہزار دا قرضائی بنا دتا گیا اے جو بین الاقوامی سازش اے۔
