آرمی چیف جنرل راحیل شریف نے دہشت گرداں خلاف آپریشن دا فیصلا کدوں تے کیوں کیتا؟نگار ارشاد بھٹی نے تفصیلاں دس دتیاں

راولپنڈی(پاکستان پوائنٹ نیوز24۔مئی2017ء) آرمی چیف جنرل (ر) راحیل شریف نوں دنیا بھر وچ اک خاص مقام حاصل اے، پاکستان سنے دنیا بھر دے ملک اوہناں دیاں صلاحتاں تے شخصیت نوں مندے نیں۔ سابق آرمی چیف جنرل (ر) راحیل شریف بارے کالم نگار ارشاد بھٹی نے کُجھ گلاں ’اُردو پوائنٹ‘ لئی لکھے گئے اپنے اُچیچے کالم وچ بیان کیتیاں۔ ارشاد بھٹی نے دسیا کہ سابق آرمی چیف جنرل (ر) راحیل شریف نے دہشت گرداں خلاف آپریشن دا کدوں تے کیوں فیصلا کیتا؟ ارشاد بھٹی نے اپنے کالم وچ دسیا کہ 26مارچ 2016نوں جنرل (ر) راحیل شریف نے آرمی میڈیکل کالج دے 30ویں Raising Day دی تقریب وچ رلت کیتی۔

تقریب ختم ہوئی تے مستقبل دے اک ڈاکٹر نے جنرل (ر) راحیل شریف توں سوال کیتا کہ سر اوہ کہڑا ویلا سی جدوں تُسیں حتمی فیصلا کیتا کہ ہن دہشت گرداں خلاف جنگ ہونی چاہیدی؟ سوال دے جواب وچ آرمی چیف بولے میں تے سِدھا سادھا فوجی آں مینوں تے شروع توں ای ایہ پتا سی کہ لَتاں دے بھوت کدی گلاں نال نہیں مَنن گے۔