لاہور(پاکستان پوائنٹ نیوز10۔اگست 2016ء) سیکرٹری کو آپریٹو شہر یار سلطان نے آکھیا اے کہ ڈینگی دی روک تھام دے سلسلے وچ مہینا وار مائیکر پلان اُتے عملدرآمد نہ کرن والے ٹاؤن افسراں ،متعلقا محکمیاں تے یونین کونسلاں دے سیکرٹریاں خلاف سخت ایکشن لِتا جاوے گا۔ ایس سلسلے وچ سارے افسراں دی باقاعدا مانیٹرنگ کیتی جاوے گی ۔ ٹاؤن ایڈمنسٹریشن آف اقبال ٹاؤن وچ ڈینگی دی روک تھام دے حوالے نال منعقد کیتے گئے اجلاس نال خطاب دے دوران اوہناں نے آکھیا کہ جہڑے افسراں دی ڈینگی دے حوالے نال کارکردگی ٹھیک نہیں اوہناں خلاف سخت ایکشن لِتا جاوے گا۔
اوہناں نے آکھیا کہ لوکائی وچ ایس گل دا شعور لیان دی لوڑ اے کہ اوہ ڈینگی سرویلنس ٹیماں نال مکمل تعاون کرن تاں جے ڈینگی لاروے دی دھوتری والیاں تھاواں اُتے اوہناں دا فوری خاتما کیتا جاوے۔
