اسلام آباد (پاکستان پوائنٹ نیوز10۔اگست 2016ء) الیکشن کمیشن نےانتخابی لسٹاں اُتے نظرثانی دا کم شروع کر دِتا اے جدکہ انتظامیا دا آکھنا اے کہ ووٹر لسٹاں نوں 29 اگست تیکر نویں سِرے توں ترتیب دے دِتا جاوے گا۔ الیکشن کمیشن دے مطابق فوت ہون والے ووٹراں نوں لسٹ توں کڈھ دِتا جائے گا جدکہ نویں ووٹراں دی رجسٹریشن دا کم 20 دِناں وچ مکمل کر لیا وے گا۔
تصدیق ہوئیاں لسٹاں 20 ستمبر توں 10 اکتوبر تیکر الیکشن کمیشن تے رجسٹریشن افسراں دے دفتراں وچ لوکائی دے جائزے لئی لا دِتیاں جان گیاں۔ ایس دوران ووٹراپنے ووٹ دی درستگی تے منتقلی وی کروا سکن گے۔ جدکہ الیکشن کمیشن ووٹر لسٹاں نوں 20 اکتوبر تیکر حتمی شکل دے کے نادرا دے حوالے کرے گا تے نادرا اک مہینے وچ سارے ڈیٹا دی انٹری کر کے حتمی ووٹر لسٹاں دی چھپوائی دا کم 25 نومبر تیکر پورا کر لوے گا۔ الیکشن کمیشن دے مطابق ایس ویلے ملک وچ رجسٹرڈ ووٹراں دی گنتی 9 کروڑ 30 لکھ اے جدکہ انتخابی لسٹاں وچ ووٹراں دی گنتی 9 کروڑ 70 لکھ تیکر پہنچن دا امکان اے۔
