عمان دی نویں ائر لائن ’سلام ائر لائن‘دی پہلی اُڈان پاکستان پہنچ گئی

سیالکوٹ(پاکستان پوائنٹ نیوز19۔مئی2017ء) عمان دی نویں ائر لائن ’سلام ائر لائن‘ نے پاکستان لئی اپنیاں اُڈاناں دی شروعات کر دتی۔ میڈیا رپورٹ دے مطابق ’سلام ائر لائن‘ دی پہلی فلائٹ سیالکوٹ دے انٹرنیشنل ائر پورٹ اُتے لتھی، جتھے ائر پورٹ منیجر ذکار الحق نے ائر لائن دے عملے تے مسافراں نوں جی آیاں آکھیا۔ ایس موقعے اُتے ذکر کیتی گئی ائر لائن دے ڈائریکٹر گراﺅنڈ آپریشنز محسن البلوشی، وحید البلوشی، ریجنل منیجر گراﺅنڈ آپریشنز، مجید القصابی بزنس ڈویلپمنٹ، سیف علی سعد الخادی، عمر حسنی، منیر صدیق وائس پریذیڈنٹ نارتھ پاکستان تے نواز حسین ڈسٹرکٹ سیلز منیجر ’سلام ائر‘ سیالکوٹ وی موجود سن۔