اسیں پی آئی اے نوں دیوالیہ قرار دین دا آپشن ورت سکدے آں: وزیر اعظم دے مشیربرائے ہوا بازی

اسلام آباد(پاکستان پوائنٹ نیوز18۔مئی2017ء) وزیر اعظم دے اُچیچے مشیر برائے ہوا بازی سردار مہتاب عباسی نے پی آئی اے نوں دیوالیہ قرار دین دا اشارا دے دتا۔ تفصیل دے مطابق سینیٹ دی قائمہ کمیٹی دے اجلاس وچ ارکان سینیٹ ولوں پی آئی اے دے جہاز توں لندن وچ منشیات برآمد ہون دے حوالے نال غصے دا وکھالا کیتا۔ سینیٹر کامل علی آغا ولوں آکھیا گیا کہ پی آئی اے دا بُرا حال ہو گیا اے ایس لئی ایہنوں بند کر دتا جائے۔ سردار مہتاب عباسی ولوں جواب وچ آکھیا گیا کہ جے کمیٹی ایہ سمجھدی اے تے فیر اسیں ادارے نوں دیوالیہ قرار دین دا آپشن ورت سکدے آں۔